सपनिमा कहिलेकाही डराउछु म त

सपनिमा कहिलेकाही डराउछु म त
झस्किएर बेला बखत कराउछु म त ।

याद आउछ तिम्रो धेरैधेरै मनमा
आँफै आँफै रमाएर हराउछु म त ।

लेख्छु पनि तिम्रै नाममा गजल गितहरु
जिन्दगीको पानाहरु भराउछु म त ।

पाएपछी साथ तिम्रो भुल्छु सबै पिडाहरु  
एकान्तमै बस्न मन पराउछु म त ।

लाग्छ अती प्यास तिम्रो प्यारो स्पर्सको
तिम्रै यादमा दिन ब्यतित गराउछु म त ।

रेशम श्रेष्ठ !
हुवाश - ३, पर्बत

सृष्टि बिच ब्युटीको टप टेनमा पर्न सफल

काठमाडौँ, साउन ३२ (नागरिक)- मिस वर्ल्डमा सहभागी हुन चीनमा रहेकी मिस नेपाल सृष्टि श्रेष्ठ बिच ब्युटीको टप टेनमा पर्न सफल भएकी छिन्। आफू टप टेनमा परेको खबर उनले आफ्नो फेसबुक र ट्विटरमार्फत् बिहीबार राति सार्वजनिक गरेकी हुन्। 

उनले फेसबुकमा लेखेकी छिन्- नमस्ते नेपाल !!! राम्रो समाचार :) म बिच ब्युटीको फाइनल टप टेनमा परेकी छु। म निकै हर्षित छु। माया र समर्थनका लागि सबैलाई धन्यवाद !

मिस वर्ल्डको उपाधिका लागि अन्तिम प्रतिस्पर्धा आउँदो शनिबार हुँदैछ।

यौनको रहस्य खुल्दै

म्याड्रिड (एजेन्सी), श्रावण ३१ -  'मस्तिष्कमा अद्भुत तरंग उत्पन्न हुन्छ । वरिपरि तिहारको झैं झिलिमिली दृश्यको देखिन थाल्छ ।' यौन सम्बन्धको क्रममा चरम आनन्द प्राप्त हुँदाको स्थितिलाई बखान गर्न वैज्ञानिक र शोधकर्ताले यस्तै वाक्यांशको प्रयोग गर्छन् ।

दुई मन मिल्ने स्त्री-पुरुषबीच यौन क्रीडाको क्रममा प्राप्त हुने सीमाविहीन सुखको अनुभूतिले मिलनलाई सफल बनाउनुका साथै थुप्रै प्रकारका शारीरिक एवं मानसिक रोगबाट पनि मुक्त राख्ने गरेको विज्ञहरू बताउँछन् । यौन सन्तुष्टिको अभावमा थुप्रै खाले रोग र मानसिक विकृति उत्पन्न हुने स्पेनका विशेषज्ञ मगडालेना सालामांसाले बीबीसीलाई बताइन् । 'यो महत्त्वपूर्ण पक्ष हो किनकि शारीरिक एवं मानसिक तृप्ति यसको लक्ष्य हो,' उनले भनिन् ।

उनको अनुसार धेरैखाले सामाजिक एवं पेसागत समस्या यौन असन्तुष्टिसँग जोडिएको हुन्छ । चिन्ता र तनाव पनि यौन मा शिखर आनन्दको प्राप्ति नहुँदा देखिने मानसिक विकृति भएको उनी बताउँछिन् । मानसिक रूपले सामना गर्नुपर्ने समस्याको सम्बन्ध प्रत्यक्ष वा अप्रत्यक्ष रूपले यही यौन सुखसँग जोडिएको मनोवैज्ञानिक अना लुना बताउँछिन् ।

मिठो माया कती अझै गाँस्न बाँकी छ

मिठो माया कती अझै गाँस्न बाँकी छ
दुनियामा कती अझै बाँच्न बाँकी छ ।

मान्छे मान्छे मा फरक के नै छ र
भन्छन जातभात् अझै जाँच्न बाँकी छ ।

उहि हो धर्ति अनि आकाश सबैको
खुलमखुल्ला रमाइ अझै नाच्न बाँकी छ ।

सुरमा सुर मिलाएपछी आउछ रे मज्जा
साथमा उनकै मर्काइ कम्मर भाँच्न बाँकि छ ।

अमर हुन्छ साथ् भन्छन साँचो माया गर्नेहरू
मिलन हाम्रो जुनीजुनीलाई साँच्न बाँकि छ ।

रेशम श्रेष्ठ !
हुवाश -  ३, पर्बत

यो साँझ यो सुबास All Parts

By Resham Shrestha to you all just enjoy with the programme.........................

पेट दुखाई सहन नसक्दा आत्महत्या

दुर्गाप्रसाद शर्मा । पर्वत, साउन ३० – पर्वतका एक वृद्धले पेट दुखाईको पीडा सहन नसकेर आत्महत्याको बाटो रोजेका छन् । लामो समयसम्मको पेट दुखाईको पीडा सहन नसकेर पर्वतको पिपलटारी गाविस ९ का ७१ बर्षिय मेघनाथ शर्मा पौडेलले मंगलबार बिहान झुण्डिएर आत्महत्या गरेका हुन् ।

ग्याष्ट्रिकको उपचारका लागि पोखरा पुगेका बृद्ध पौडेल पोखराबाट उपचार गरि सोमबार साँझ फर्केका थिए । उपचार गरेर फर्केका पौडेल मंगलबार बिहान घर नजिकै झुण्डिएको अवस्थामा फेला परेको प्रहरीले जनाएको छ । पौडेलको शव कपडाले पासो लगाएर झुण्डिएको अवस्थामा भेटिएको थियो ।

पेट दुखाईको समस्या लिएर  उपचारका लागि पोखरा जाँदा चिकित्सकले अल्सर र क्यान्सरका बारेमा केही नबताएको परिवारले बताएको छ । लामो समय देखि बिरामी पौडेलले अत्महत्या गर्नुपर्ने कुनै कारण नै नरहेको छिमेकीहरुले बताएका छन् ।

उनले रोग र दुखाई कै कारण आत्महत्या गरेको प्रारम्भिक अनुसन्धानबाट खुलेको जिल्ला प्रहरी कार्यालय पर्वतका प्रहरी निरीक्षक श्याम अर्यालले बताउनुभयो । ‘लामो समय देखि पेटकै समस्या र अहिले पनि पेटकै दुखाइएको कारणले नै आत्महत्या गरेको बुझिन्छ’ उहाँले भन्नुभयो, ‘घटनाका बारेमा अनुसन्धान गरिरहेका छौँ ।’

आफ्नै यात्राको एउटा यात्री मानेर हिंडे

आफ्नै यात्राको एउटा यात्री ठानेर हिंडे
आफ्नै कथाको एउटा पात्र  मानेर हिंडे ।

हजारौ चुनौती अनि मुकाबिला को साथमा
रमाउनु पर्छ संघर्समै भन्ने जानेर हिडे ।

अनेकौ आफ्ना  चाहना र भोगाइहरूमा
बिर्सिएर ब्यथाहरु मन भित्रै तानेर हिंडे ।

अध्यारो रात काट्दै पिडाहरू भुलाएर
बाटो आफ्नै जिन्दगीको छानेर हिंडे ।

भारी बोक्दै जिन्दगीको हिड्ने म यात्री
रहरहरू सबै सबै आफैमा बानेर हिंडे ।

रेशम श्रेष्ठ !
हुवाश - ३, पर्बत

भव्य समारोहबीच सकियो लन्डन ओलम्पिक

लन्डन, श्रावण २९ - संयुक्त अधिराज्यको राजधानी लन्डनमा जारी ३० औं गृष्मकालिन ओलम्पिक १६ दिनपछि आइतबार राति एक भव्य समारोहबीच समापन भएको छ ।

गत २७ जुलाई देखि सुरु विश्वकै सबैभन्दा वृहत खेल मेला समापन हजारौं दर्शकले भरिभराउ पूर्वी लन्डनको स्ट्राटफोर्डस्थित ओलम्पिक स्टेडियममा भएको हो । उद्घाटन समारोह समेत सोही रंगशालामा भएको थियो ।

बेलायती इतिहास, संस्कृति र सभ्यतामा केन्दि्रत उद्घाटन समारोह भन्दा पृथक थियो समापन । करिब तीन घण्टा लामो सो समारोहलाई 'ए सिम्फोनी अफ बि्रटिश म्युजिक' उपमा दिइएको थियो । त्यसमा पाँच दशकयताको बि्रटिश पप संगीत गुञ्जियो ।

समापन समारोहका निर्देशक स्टेफेन डाल्ड्रीले यसलाई अहिले सम्मकै उत्कृष्ट पार्टीको संज्ञा दिए ।

लन्डन ओलम्पिकका अध्यक्ष लर्ड कोइले समापन समारोह बि्रटिश संगीतमा समर्पण गरिएको जनाए । समारोहका कला निर्देशक किम गेभिनका भनाइमा उद्घाटन समारोह बिहेको दिन थियो भने समापन बिहे पछिको डिस्को जसमा सहभागी मज्जाले रमे । समापन समारोहमा गुञ्जिए एडेल देखि एल्गरसम्मका संगीत ।

छेस्का परिचय

छेस्का परिचय (Introduction of Chheska )

छेस्का परिचय

छेस्का सुन्दा गाउँघरमा प्रयोग गरिने अलि गाउँले नाम जस्तो लागेपनि साहित्यमा आजभोली विस्तारै लोकप्रिय बन्दै गएको स्वादिलो अचार जस्तो, चोटिलो प्रहार जस्तो गहण विषयबस्तुलाई चारलाईनमा समेटिएको कवितात्मक भाबले भरिपूर्ण जहाँ छोटा मिठा दुई शेरको बेजोड भाव बोकेको गजल तर छुट्टै पहिचान र अस्तित्व बोकेको विधाका रुपमा लिन छेस्का लाई लिन सकिन्छ ।

यसलाई फारषीभाषामा गाइने छोटो गीति लय पनि भन्ने गरिन्छ । नेपाली लयहरु झ्याउरे, हाक्पारे, पालाम, सिली, सेलो इत्यादि झैं यसको पनि आफ्नै संरचना छ । यसको पनि आफ्नै नियम छ ।

छेस्का सुन्दा अनौठो लागेपनि यो मिठो र सरपूर्ण र चिटिक्क परेको हुन्छ् । छेस्कामा अनिवार्य रुपमा ४ लाईन हुन जरुरी छ जुन २–२ लाईनलाई एक ठाउँमा राखेर विभाजन गर्दा गरिन्छन् जसलाई शेरहरु भन्न सकिन्छ । गजलकै नियम यसमा पनि लागू हुन्छ । सुरुको शेर मतला र अन्त मकत्ता भन्न पनि सकिन्छ । सुरुको २ लाईन अथवा मसरा मा अघिल्लो लाईन मिसरा ए उला र पछिल्लो लाईन मिसराए सानी दुबैमा काफिया अनिवार्य हुन्छ । त्यस्तै अन्तिम या दोस्रो शेर मा गजलकै नियम लागू हुनछ यानकी मिसराए सानी मा मतला संग स्वर ब्यञ्जन मिल्ने काफियाको प्रयोग हुनुपर्छ ।

यहाँ प्रयोग गरिएका शेरहरु यति शक्तिसालिहुनुपर्छ कि सम्पूर्ण भावहरु भन्न खोजिएका कुराहरु ति २ लाईनमा समेटियोस् । पहिलो शेरले विषयलाई सुरुवात सँगै मध्य सम्म लैजाने र दोस्रो सेरले बिषय बस्तुलाई निष्कर्षमा निर्णय प्रदान गर्ने क्षमता बोकेका शेरहरु भए मात्र छेस्का सफल हुन्छ भन्नाले हरेर शेरहरु एकदम दमदार र आफैमा परिपूर्ण हुन जरुरी छ ।

इरानको उत्तर पश्चिमी क्षेत्रमा भूकम्प : २ सय ५० को मृत्यु

इरानको उत्तर पश्चिमी क्षेत्रमा शनिबार गएको भूकम्पमा मृत्यु हुनेको संख्या २ सय ५० पुगेको छ। केही समयको अन्तरालमा दुई पटक गएको भूकम्पका कारण २ हजार जना भन्दा बढी घाइते भएका छन्। यूएस जियोलोजिकल सर्विसका अनुसार ६ दशमलब ४ र ६ दशमलब ३ रेक्टर स्केल मापन गरिएको छ। तबरिज र अहार कस्बोमा ठुलो भूकम्पको झट्का महसूस गरिएको थियो।

भुकप्पमा ग्रँमीण क्षेत्र नराम्रोसंग प्रभाबित भएको बताइएको छ। भूकम्प ग्रस्त क्षेत्रमा सञ्चार सेवा विच्छेद भएका कारण उद्धार कार्यमा कठिनाई उत्पन्न भएको अधिकारीहरुले जनाएका छन्। भुकम्पमा घाइतेहरुको उद्धार कार्य भइरहेको बताइएको छ। मृत्यु हुनेको संख्या अझ बढ्न सक्ने अनुमान पनि गरिएको छ। राष्ट्रपति मोहम्मद अमादिनेजले मृत्यु भएका परिवारप्रति शोक व्यक्त गर्दै उद्धार कार्य प्रभावकारी बनाउन निर्देशन दिएका छन्। इरानमा ४ गाविस पुरै नष्ट भएको छ भने अन्य ६० गाविसहरु भूकम्पको चेपाटमा परेका छन्। सन् २००३ मा इरानमा गए भूकम्प २५ हजारको मृत्यु भएको थियो।

केसी पुनः अनशन बस्ने

काठमाडौं, श्रावण २८ - त्रिभुवन विश्वविद्यालय (त्रिवि), चिकित्साशास्त्र अध्ययन संस्थानमा पदाधिकारी नियुक्तिमा राजनीतिक भागबन्डा गर्न नहुनेलगायत मागसहित प्राध्यापक डा.गोविन्द केसी सोमबारदेखि पुनः अनशन बस्ने भएका छन् । विश्वविद्यालयले संस्थानमा राजनीतिक भागबन्डाका आधारमा पदाधिकारीहरू नियुक्ति गर्ने जमर्को गरेपछि अनशन बस्न बाध्य भएको केसीले बताए । 

यसअघि पदाधिकारी नियुक्ति योग्यता र वरिष्ठता दृष्टिले प्रतिस्पर्धात्मक र पारदर्शी आधारमा हुनुपर्ने मागसहित केसीले गत असार २१ गतेदेखि आमरण अनशन थालेका थिए । त्यसको चार दिनपछि विश्वविद्यालयले वरिष्ठताका आधारमा प्राध्यापक डा. कुमुदकुमार काफ्लेलाई डिन नियुक्त गरेको थियो । काफ्ले सोमबारदेखि सेवा निवृत्ति हुँदै छन् । उनले संस्थानमा ३५ दिनसम्म डिनको रूपमा काम गर्न पाएका हुन् ।

'डिन काफ्लेले सेवा निवृत्ति हुनुभन्दा अघि नै वरिष्ठताका आधारमा रिक्त पदहरूमा पदाधिकारीको नाम सिफारिस गरेर उपकुलपतिसमक्ष पठाए पनि उहाँहरू निष्त्रिmय बस्नुभयो,' केसीले शनिबार कान्तिपुरसँग भने, 'डिनज्यूलाई त्रिविको रजिस्ट्रारले राजनीतिक भागबन्डाको आधारमा नाम सिफारिस गरेर पठाउन भनेपछि हामी पुनः सक्रिय हुन परेको हो ।'

विश्वविद्यालयका उपकुलपति, रेक्टर, रजिस्ट्रार विभिन्न पार्टीका कार्यकर्ता भएकाले उनीहरू पुनः संस्थानमा दलहरूको वर्चस्व राख्न खोजेको आरोप केसीले लगाए । 'उहाँहरू आधिकारिक रूपमै नियुक्ति राजनीतिक भागबन्डाबाट हुनुपर्ने भन्नुहुन्छ,' उनले भने ।

तिम्रो मेरो मिलनको थियो बात अनौठो !

तिम्रो मेरो मिलनको थियो बात अनौठो
मिठोपल बिचको त्यै थियो रात अनौठो ।

मान्छे मान्छे एउटै हो सबै भन्छन
बिभेद निम्त्याउने भयो त्यै जात अनौठो ।

भन्छन एक्लो यात्रा कठिन हुन्छ
भेटेपछी कस्तो सहयात्रीको त्यै साथ् अनौठो ।

हुन्छन कती जिबनमा तिता मिठा पल्हरु
जवानीको यादहरु सही त्यै मात अनौठो ।

हुँदैन रे बिना मायाको जवानी कसैको
बन्यो मिठो माया प्रेमको घात अनौठो ।  

रेशम श्रेष्ठ
हुवाश - ३, पर्बत

युनिटीका अध्यक्ष गुरुङलाई थुनामा राख्न आदेश

काठमाडौं, श्रावण २८ -  

युनिटी लाईफ इन्टरनेशनलका अध्यक्ष काशी गुरुङलाई मुद्दाको अन्तिम किराना नलाग्दासम्म थुनामा राख्न जिल्ला अदालत ललितपुरले आदेश दिएको छ । ठगी, बैंकिङ कसुर र राजस्व छलीको आरोपमा पक्राउ परेका गुरुङमाथिको थुनछेक बहसपछि अदालतले पुर्पक्ष थुनामा राख्ने आदेश दिएको हो ।

जिल्ला अदालत ललितपुरका श्रेस्तेदार रमेश ज्ञवालीले आदेशपछि प्रहरी हिरासतमा रहेका गुरुङ मुद्दाको किनारा नलागेसम्म पुर्पक्ष थुनामा रहने बताए । गुरुङ सहित युनिटी सञ्चालक विरुद्ध जिल्ला अदालत ललितपुरमा तीन अर्ब ७९ करोड ९८ लाख ७० हजार रुपैंया विगोको ठगी अभियोग, तीन अर्ब ७९ करोड ९८ लाख ७० हजार रुपैंया विगोको बैंकिङ कसुर अभियोग र राजस्व र आयकर छलेको अभियोगमा दुई अर्ब ५७ करोड रुपैंयाको मागदावी सहित मुद्दा दायर भएको छ ।

जिल्ला अदालतको आदेश विरुद्ध गुरुङ पुनरावेदन अदालतमा जाने बाटो भने खुला रहनेछ । युनिटी प्रकरणपछि २६ महिना फरार गएका गुरुङ गतसाता पूर्वी नेपालको सिमावर्ती क्षेत्रमा पक्राउ परेका थिए । 

पर्वत जिल्लामा यस बर्ष ४० हजार विरुवा रोपिए !

पर्वत साउन २५ । ३२ औं भु–संरक्षण दिवसको अवसरमा पर्वत सदरमुकाम कुस्माबजार स्थित बान्द्रेबिडी चौरमा बृक्षारोपण कार्यक्रम सम्पन्न भएको छ । जिल्ला भू–संरक्षण कार्यालय, सामुदायिक सेवा समाज र जनकल्याण सामाजिक महिला समुहको संयुक्त आयोजनामा बृक्षारोपण गरिएको हो ।

कार्यक्रममा बोल्दै प्रमुख जिल्ला अधिकारी टेकबहादुर केसीले बातावरणको संरक्षण र भु क्षय रोक्नका लागि बृक्षारोपण कार्यलाई बढाउँदै लैजानुपर्ने बताए । उनले सार्वजनिक महत्वका ठाउँहरुमा बृक्षारोपण गर्नका लागि विभिन्न निकायले देखाएको सक्रियताको प्रसंसा गदैै रोपिएका बिरुवाहरुलाई हुर्काउन नियमित रेखदेख गर्न समेत आग्रह गरे ।

कार्यक्रममा जिल्ला भु–संरक्षण कार्यालयका भू–संरक्षण अधिकृत राजु सापकोटाले भू–क्षय रोक्न जिल्लाका विभिन्न ठाउँमा गरि यस वर्ष ४० हजार भन्दा बढि बिरुवा रोपिएको जानकारी दिए । सो अवसरमा अशोक, कपुर, अमला, बेल, तेजपात, पारिजात लगायतका बिरुवा रोपिएको थियो ।

सामुदायिक सेवा समाज अध्यक्षको भीडन्तमा मानकुमारी गिरीको जीत !

प्रकाश पौडेल, पर्वत साउन २८ । सामुदायिक सेवा समाज पर्वतको अध्यक्षमा मानकुमारी गिरी चयन भएकी छन् । लामो समयको बिवाद पछि शनिबार कार्यदलको उनको नामलाई अध्यक्ष पदमा निरन्तरता दिने घोषणा गरेको छ ।

गत साउन ६ गते सम्पन्न समाजको चौथो अधिवेशनले नेतृत्व चयन गर्न नसकेपछि नेतृत्व छनोटका लागि एक कार्यदल बनाएको थियो । सोहि कार्यदलले शनिबार अध्यक्षमा गिरी र अन्य पदाधिकारी र सदस्यको नाम घोषणा गरेको हो ।

गत अधिवेशनमा ३ जनाले अध्यक्षमा दाबी गरेर पछि नहटेपछि सहमतिका लागि कार्यदल गठन गरिएको थियो । त्यतिबेला बनेको ईश्वर गिरी, पर्शुराम पुरी र तोयनाथ चालिसे सहितको ३ सदस्यीय कार्यदलमा सहायक प्रमुख जिल्ला अधिकारी तुलसीराम पौडेल, प्रहरी नायव उपरिक्षक केदार खनाल र समाजका पुर्व अध्यक्ष भोलानाथ शर्मा गरी तीन सदस्य थप गरी ६ सदस्यीय कार्यदलले नयाँ समितिको नाम घोषणा गरेको हो ।

समाजको बरिष्ठ उपाध्यक्षमा सरिता भण्डारी, उपाध्यक्षमा शान्ति आचार्य, सचिवमा शिव सुवेदी र कोषाध्यक्षमा राजन जोशी रहनुभएको छ । यस्तै अन्य सदस्यहरुमा सरस्वती भण्डारी, एकनारायण गिरी, रुद्र गिरी, निर्मल विक, पवित्रा गिरी, तिला गिरी, तुलसी सुवेदी, सुवर्ण अर्याल, राजन श्रेष्ठ, रमाकान्त शर्मा, त्रिलोचन शर्मा र शैलेन्द्र कर्माचार्य रहेका छन् ।

समाजले ६ सदस्यीय सल्लाहकार समिति समेत गठन गरेको छ । जसमा लक्ष्मीकान्त आचार्य, डा.चुडामणी शर्मा, हिमबहादुर पौडेल, विषमकुमार श्रेष्ठ, रामबहाुर गुरुंङ र मनोहर वि पौडेल रहेका छन् ।

मेरो जिन्दगि को पाना भर्ने तिमि

मेरो जिन्दगि को पाना भर्ने तिमि

टुटेका मेरा सपना पुरा गर्ने तिमि !

आउछौ हरपल दु:ख सूखमा मेरो

मनको फूलबारीमा बिउ छर्ने तिमी !

अनिश्चित यात्राको गन्तब्यमा पनि

पिडा पर्दा मेरै आफ्नो दु:ख हर्ने तिमी !

कही कतै अबिस्वाश ले बाटो घेरिदिदा

हुन्छौ साहारा अनी बिस्वाश गर्ने तिमी !

खुला यो आकासमा छन् तारा अनगिन्ती

बनी एउटै तारा मेरो मनमा सर्ने तिमि !

भएर मेरो निरासा हरुमा भरोसा

जिन्दगीमा सँगसंगै नदि तर्ने तिमी !

रेशम श्रेष्ठ !

पर्बत, हुवाश - ३

पर्बत जिल्ला संक्षिप्त परिचय

पर्वत जिल्ला पश्चिमाञ्चल विकास क्षेत्रको मध्य पहाडी जिल्ला हो । यो नेपालका ७५ जिल्ला मध्ये चौंथो सानो जिल्ला हो । पर्वत जिल्ला भौगोलिक विविधताले भरिएको एक रमणीय जिल्लाको रुपमा चिनिन्छ । विश्व मानचित्रमा पर्वत २८० ००’ १९’’ देखि २८० २३’ ५९’’ अक्षांस र ८३० ३३’ ४०’’ देखि ८३० ४९’ ३०’’ देशान्तरमा रहेको छ । यस जिल्लाको कूल क्षेत्रफल ५३६.८६ वर्ग कि.मी. रहेको छ । उचाईका हिसावले सामुन्द्रिक सतहबाट ५२० मिटर उचाइमा रहेको सेतीवेणी देखी ३३०९ मिटर उचाइमा रहेको हम्पालको लेकसम्मको भू-भाग यस जिल्लामा पर्दछ ।

यस जिल्लाका रमणीय लेकाली चुचुराहरुमा उत्तरी भागमा पर्ने हम्पाल र लोप्रेका लेकहरु मध्य भागका पञ्चासे, डहरे तथा दक्षीणी भागका चिसापानी र गोर्ल्याङ्ग पर्वत जिल्लाका अग्ला चुचुराहरु हुन् । जहां शिशिरमा हिउंले ढाक्ने र वसन्तलाई लेकाली जडीवुटी, वन्य जन्तु र लालीगुरांस लगायतका धेरै सुन्दर फुलहरुले सिंगारीरहेका हुन्छन् । यी चुचुराहरुबाट उत्तरी क्षेत्रमा देखिने हिमशृङ्खला र टाढा-टाढाका मनमोहक दृष्य तथा विहानीको सूर्योदयको सुन्दरताले पर्यटकहरुलाई मन्त्र मुग्ध पार्ने हुँदा पर्यटन विकासको सम्भावना त्यत्तिकै छ ।

कुश्माको गुप्तेश्वर गुफा, ज्ञादीको अलपेश्वर गुफा, पाङ्गको भुवनेश्वरी गुफा, वर्राचौरको सितलपाटी गुफा, लुंखुको चनौटे भिर मुनीको ढाउ गुफा यस जिल्लाका प्रसिद्ध गुफाहरु हुन भने धार्मीक तथा प्रयटकिय दृष्टिले मोदीवेनीको नरसिंह मन्दिर, सेतीवेणीको शालिकग्राम शिला, धाईरिङ्गको भुमे,लुंखु चिसापानीको कालिका देवी मन्दिर, कुश्मा, आर्थर र भोर्लेका बौद्ध गुम्बाहरु, ठुली पोखरीको वाटुलेचौर,होश्रादीको पैंयुकोट र धुवाकोटको ऐतिहासिक दरवार तथा किल्ला, माझफांटको कर्र्णोलको दरवार, तथा लुंखुको महाशिला (मेलढुङ्गा) महत्वपूर्ण मानिन्छन् ।

स्वागत सबैलाई हाम्रो हुवाशमा !

स्वागत सबैलाई हाम्रो हुवाशमा - Welcome To All This Blog www.hamrohuwash.blogspot.com